హెచ్ఆర్సిఐ తెలంగాణ రాష్ట్ర జాయింట్ సెక్రెటరీగా అడ్డాల వెంకటేష్ రెడ్డి నియామకం

నేషనల్ చైర్మన్ డా. చెన్నుపాటి శ్రీకాంత్ ఆదేశానుసారం, తెలంగాణ రాష్ట్ర ఇంచార్జ్ అమృతం వీర ఆధ్వర్యంలో ఈ నియామకం జరిగింది. ఈ సందర్భంగా అమృతం వీర మాట్లాడుతూ, సమాజంలోని వెనుకబడిన, బలహీన వర్గాల అభ్యున్నతి కోసం సంస్థ నిరంతరం కృషి చేస్తుందని తెలిపారు.

సంస్థ ముఖ్యంగా పేద వర్గాల సామాజిక భద్రత, మహిళా మరియు శిశు అభివృద్ధి, మహిళల రక్షణ, శిశువుల ఆరోగ్యంపై అవగాహన వంటి కార్యక్రమాలను నిర్వహిస్తుందని పేర్కొన్నారు. ఆర్థికంగా వెనుకబడిన వారికి నాణ్యమైన వైద్యం, విద్యా అవకాశాలు అందేలా విశ్లేషణాత్మక కార్యక్రమాలు చేపట్టడం సంస్థ యొక్క ముఖ్య లక్ష్యాలలో ఒకటిగా ఉంది.

ఈ అంశాలపై ప్రత్యేక దృష్టి సారించి, బాధ్యతాయుతంగా సేవలందించాలని నూతనంగా ఎన్నికైన జాయింట్ సెక్రెటరీ అడ్డాల వెంకటేష్ రెడ్డికి సూచించారు. ఆయనకు ఈ మేరకు బాధ్యతలు అప్పగించారు.

ఈ కార్యక్రమంలో సంస్థ ప్రతినిధులు సైదులు చౌదరి, ప్రవీణ్ రెడ్డి, మరియు మహిమ గౌడ్ తదితరులు పాల్గొన్నారు. వారు నూతనంగా నియామకమైన వెంకటేష్ రెడ్డికి శుభాకాంక్షలు తెలిపారు.