క్రౌన్ హ్యూమన్ రైట్స్, ఢిల్లీ/చీరాల, 2026-11-20
పొదిలి నగర పంచాయతీ ఎన్నికల సందర్భంగా కూటమి అభ్యర్థుల తరపున ప్రచారం నిర్వహించిన మార్కాపురం ఎమ్మెల్యే కందుల నారాయణరెడ్డి, అభివృద్ధి, సంక్షేమం కూటమి ప్రభుత్వానికి రెండు కళ్ళని అన్నారు. వైసిపి పాలనపై తీవ్ర విమర్శలు గుప్పించారు.
మార్కాపురం శాసనసభ్యులు శ్రీ కందుల నారాయణరెడ్డి గారు పొదిలి నగర పంచాయతీ ఎన్నికల సందర్భంగా కూటమి చైర్మన్ అభ్యర్థి వరికుంట్ల అనిల్ మరియు కూటమి వార్డు సభ్యులకు మద్దతుగా పొదిలి పట్టణంలోని 25, 26, 27 వార్డులలో ప్రచార కార్యక్రమం నిర్వహించారు. వార్డుల్లో ప్రతి ఇంటికి వెళ్లి కూటమి అభ్యర్థులను గెలిపించాలని కోరారు.
వైసిపిపై ఎమ్మెల్యే విమర్శలు
ఈ సందర్భంగా మాట్లాడుతూ, ఇదే పొదిలి పట్టణంలో మహిళలపై రాళ్లు వేసిన చరిత్ర వైసిపి వాళ్ళది. ప్రతిపక్షంలో ఉన్నప్పుడే మహిళలపై ఈ విధంగా దాడులు చేస్తున్నారంటే, అధికారంలోకి వస్తే వారి అరాచకాలకు హద్దే ఉండదు అని అన్నారు.
సంక్షేమ పథకాలపై వివరణ
పెన్షన్ 4000 రూపాయలకు పెంచిన చరిత్ర కూటమి ప్రభుత్వానిదని, మహిళలకు ఉచితంగా సంవత్సరానికి మూడు సిలిండర్లు, కుటుంబంలో ఎంతమంది పిల్లలు ఉంటే అంతమందికి పలికి వందనం పథకం కింద సంవత్సరానికి 13 వేల రూపాయలు, రైతులకు అన్నదాత సుఖీభవ పథకం ద్వారా సంవత్సరానికి 20,000 రూపాయలు ఇస్తున్నామని, ఈ విధంగా అన్ని రకాల సంక్షేమాన్ని గత వైసీపీ ప్రభుత్వం కంటే మెరుగ్గా ప్రజలకు అందిస్తున్నామని అన్నారు.
పొదిలి అభివృద్ధి ప్రణాళిక
20 కోట్ల రూపాయలతో పొదిలి పట్టణాన్ని త్వరలో అన్ని రకాలుగా అభివృద్ధి చేస్తున్నామని, ముఖ్యంగా పొదిలి పట్టణ త్రాగునీటి సమస్యకు పరిష్కారంగా 130 కోట్ల రూపాయలతో ఇంటింటికీ త్రాగునీరు అందించే పథకాన్ని ఆరు నెలల్లో పూర్తి చేస్తామని అన్నారు.
పొదిలి పట్టణంలో మరింత అభివృద్ధి జరగాలంటే కూటమి చైర్మన్ అభ్యర్థిగా వరికుంట్ల అనిల్ గారిని, కూటమి వార్డు సభ్యులను అత్యధిక మెజార్టీతో గెలిపించాలని కోరారు.
ఈ ప్రచార కార్యక్రమంలో కూటమి నాయకులు, కార్యకర్తలు పాల్గొన్నారు.







