చీరాల, 2026-11-19
చీరాల నియోజకవర్గ పరిధిలోని తోటవారిపాలెం, వేటపాలెం గ్రామాలకు తెలుగుదేశం పార్టీ తరఫున సర్పంచి అభ్యర్థులను చీరాల ఎమ్మెల్యే మద్దులూరి మాలకొండయ్య ఖరారు చేశారు. తోటవారిపాలెం నుండి రాచగిరి కోటేశ్వరి, వేటపాలెం నుండి కొత్త నాగ పద్మజలను పార్టీ అభ్యర్థులుగా ప్రకటించారు.
చీరాల నియోజకవర్గ పరిధిలోని తోటవారిపాలెం, వేటపాలెం గ్రామాల సర్పంచి అభ్యర్థులను తెలుగుదేశం పార్టీ తరఫున చీరాల ఎమ్మెల్యే మద్దులూరి మాలకొండయ్య ఖరారు చేశారు. చీరాల మండలం తోటవారిపాలెం గ్రామ సర్పంచి అభ్యర్థిగా రాచగిరి కోటేశ్వరిని, వేటపాలెం గ్రామ సర్పంచి అభ్యర్థిగా కొత్త నాగ పద్మజను ఎంపిక చేస్తూ నిర్ణయం తీసుకున్నారు. ఈ సందర్భంగా అభ్యర్థులు మాట్లాడుతూ, తమపై నమ్మకంతో సర్పంచి అభ్యర్థులుగా అవకాశం కల్పించిన ఎమ్మెల్యే మద్దులూరి మాలకొండయ్యకు ప్రత్యేక కృతజ్ఞతలు తెలిపారు. గ్రామ ప్రజలు ఎదుర్కొంటున్న సమస్యలను గుర్తించి, వాటి పరిష్కారానికి చిత్తశుద్ధితో కృషి చేస్తామని పేర్కొన్నారు.
ప్రజలకు నిరంతరం అందుబాటులో ఉంటూ వారి అవసరాలను తెలుసుకుని, సంబంధిత అధికారుల సహకారంతో సమస్యలను పరిష్కరిస్తామని తెలిపారు. గ్రామాల్లో తాగునీరు, రహదారులు, పారిశుద్ధ్యం, వీధి దీపాలు వంటి మౌలిక సదుపాయాల కల్పనకు ప్రాధాన్యతనిస్తూ అభివృద్ధి పనులను చేపడతామని వెల్లడించారు. కూటమి ప్రభుత్వ సహకారంతో తోటవారిపాలెం, వేటపాలెం గ్రామాలను అభివృద్ధి పథంలో నడిపించి, ఆదర్శ గ్రామాలుగా తీర్చిదిద్దడమే తమ లక్ష్యమని స్పష్టం చేశారు. రానున్న పంచాయతీ ఎన్నికల్లో గ్రామ ప్రజలు తమకు మద్దతుగా నిలిచి, ఓటు వేసి గెలిపించాలని విజ్ఞప్తి చేశారు.



