బిగ్బాస్-20లోకి కుమార్ సాను కుమార్తె శానన్ కె. వైల్డ్కార్డ్ ఎంట్రీ ప్రచారంలో వార్త

దీంతో ప్రస్తుతం ఇది ఊహాగానాలకే పరిమితమైంది. శానన్ కె. అసలు పేరు సనా కుమార్ సాను అని కొన్ని నివేదికలు పేర్కొంటున్నాయి. ఆమె కుమార్ సాను కుమార్తె. భారత్లో జన్మించిన ఆమె లండన్లో పెరిగి, ఆ తర్వాత సంగీతం, వినోద రంగంలో తన కెరీర్ కోసం లాస్ఏంజెల్స్కు వెళ్లారు. ఆమె ప్రధానంగా ఆంగ్ల పాప్ సంగీతంతో పాటు భారతీయ సంగీత ప్రభావాలను తన పాటల్లో మిళితం చేస్తున్నారు.

శానన్ గివ్ మీ యువర్ హ్యాండ్, రన్, యాంటిడోట్, ఓటీటీ, 9 టు 5, నాట్ మై షేడ్ వంటి పాటలను విడుదల చేశారు. వ్యక్తిగత అనుభవాలు, ఆత్మవిశ్వాసం, సంబంధాలు, భావోద్వేగాలు వంటి అంశాలు ఆమె పాటల్లో కనిపిస్తాయి.

అంతర్జాతీయ గుర్తింపు

అంతర్జాతీయ స్థాయిలోనూ శానన్ కె. ప్రదర్శనలు ఇచ్చారు. 2025లో కోచెల్లా వేదికపై ప్రదర్శన ఇవ్వడం ఆమె కెరీర్లో ఒక ముఖ్యమైన ఘట్టంగా నిలిచింది. లండన్లోని రాయల్ ఆల్బర్ట్ హాల్లోనూ ఆమె ప్రదర్శన ఇచ్చారు. దీంతో భారతీయ సంగీత నేపథ్యం నుంచి అంతర్జాతీయ పాప్ రంగంలోకి అడుగుపెట్టిన కళాకారిణిగా ఆమెకు గుర్తింపు వచ్చింది.

శానన్ సంగీతం వినోదానికే పరిమితం కాలేదు. టీనేజ్ వయసులో ఆన్లైన్ విమర్శలు, వేధింపులను ఎదుర్కొన్న అనుభవాలు తనపై ప్రభావం చూపాయని ఆమె గతంలో వెల్లడించారు. ఈ నేపథ్యంలో గివ్ మీ యువర్ హ్యాండ్ పాట ద్వారా వేధింపులకు వ్యతిరేకంగా సందేశాన్ని అందించారు. ఈ పాట అమెరికాలో బిల్బోర్డ్లో విడుదలై ఆమెకు మరింత గుర్తింపు తెచ్చింది.

నటిగానూ ప్రస్థానం

సంగీతంతో పాటు శానన్ నటనలోనూ తన అదృష్టాన్ని పరీక్షించుకున్నారు. అమెరికాలో నటనలో శిక్షణ తీసుకున్న ఆమె అంతర్జాతీయ ప్రాజెక్టులతో పాటు భారతీయ చిత్రాల్లోనూ పనిచేశారు. చల్ జిందగీ అనే హిందీ చిత్రంలో అమెరికన్ సంగీత విద్యార్థి పాత్రలో కనిపించారు. టోడ్, హాట్ ఇయర్ వంటి అంతర్జాతీయ ప్రాజెక్టులతోనూ ఆమె పేరు ముడిపడి ఉంది.

భారతీయ వినోద రంగంలోనూ ఆమెకు అవకాశాలు లభించాయి. అనుపమ్ ఖేర్ దర్శకత్వం వహించిన తన్వీ ది గ్రేట్ కోసం ఆస్కార్ విజేత సంగీత దర్శకుడు ఎం.ఎం. కీరవాణి స్వరపరిచిన పాటకు శానన్ గాత్రం అందించారు. సలాకార్ అనే వెబ్ సిరీస్ కోసం కూడా ఆమె పాట పాడారు.

సొంత గుర్తింపు కోసం ప్రయత్నం

కుమార్ సాను కుమార్తె కావడంతో తనకు అవకాశాలు సులభంగా వచ్చాయని భావించడం సరికాదని శానన్ గతంలో పేర్కొన్నారు. తండ్రి పేరుతో కాకుండా తన ప్రతిభతోనే గుర్తింపు తెచ్చుకోవాలని తాను ప్రయత్నిస్తున్నట్లు ఆమె పేర్కొన్నారు.

బిగ్బాస్-20లో వైల్డ్కార్డ్ ఎంట్రీగా శానన్ కె. పేరు ప్రస్తుతం ప్రచారంలో ఉంది. అంతర్జాతీయ సంగీత అనుభవం, నటన, భారతీయపాశ్చాత్య సాంస్కృతిక నేపథ్యం కారణంగా ఆమె ఈ షోలోకి వస్తే ప్రేక్షకులకు కొత్త అనుభూతి కలిగించే అవకాశం ఉందని అభిమానులు చర్చిస్తున్నారు.