చీరాల, 2026-08-15
చఇగమ80శఘగచ.ఈగఠశచగగధజజఆచ,థ,ఉధశ.
చీరాలలోని భవిష్య ఇంగ్లీష్ మీడియం క్యాంపస్లో 80వ స్వాతంత్ర్య దినోత్సవ వేడుకలను శనివారం ఘనంగా నిర్వహించారు. ఈ సందర్భంగా పాఠశాల ప్రిన్సిపాల్ చుక్కా గంగాధర్ జాతీయ జెండాను ఆవిష్కరించి, విద్యార్థులు, ఉపాధ్యాయులకు స్వాతంత్ర్య దినోత్సవ శుభాకాంక్షలు తెలిపారు.
స్వాతంత్ర్య సమరయోధుల త్యాగాలు స్మరించుకోవాలి
ఈ సందర్భంగా ప్రిన్సిపాల్ చుక్కా గంగాధర్ మాట్లాడుతూ, దేశ స్వాతంత్ర్యం కోసం తమ ప్రాణాలను త్యాగం చేసిన మహనీయులను ప్రతి ఒక్కరూ ఎప్పటికీ మరచిపోకూడదన్నారు. స్వాతంత్ర్య సమరయోధుల త్యాగాలను స్మరించుకుంటూ దేశ అభివృద్ధికి ప్రతి ఒక్కరూ తమ వంతు కృషి చేయాలని సూచించారు.
ఆకట్టుకున్న సాంస్కృతిక కార్యక్రమాలు
అనంతరం విద్యార్థులు దేశభక్తిని ప్రతిబింబించేలా వివిధ సాంస్కృతిక కార్యక్రమాలను ప్రదర్శించారు. విద్యార్థుల నృత్యాలు, దేశభక్తి గీతాలు, ఇతర సాంస్కృతిక ప్రదర్శనలు పలువురిని ఆకట్టుకున్నాయి.
విజయవంతంగా వేడుకలు
ఈ కార్యక్రమంలో క్యాంపస్ ఇన్చార్జిలు దిలీప్ కుమార్, సమీ, ఉపాధ్యాయ సిబ్బంది, విద్యార్థులు పాల్గొని వేడుకలను విజయవంతం చేశారు.
