మృత్యువుతో పోరాడిన గొర్రె, పిల్లలు సురక్షితంగా ఆపరేషన్ విజయవంతమైంది

చల్లమాంబాపురం గ్రామంలో ఈనలేక ప్రాణాపాయ స్థితికి చేరిన గొర్రెకు వెటర్నరీ అసిస్టెంట్ సర్జన్ డాక్టర్ బి.ఎస్.ఎన్. అశ్విని చాకచక్యంగా సిజేరియన్ సర్జరీ నిర్వహించారు. తల్లి గొర్రెతో పాటు, దాని కడుపులో ఉన్న పిల్లలు కూడా సురక్షితంగా బయటపడ్డారు.

*మృత్యువుతో పోరాడిన గొర్రె, పిల్లలు సురక్షితంగా ఆపరేషన్ విజయవంతమైంది* *రైతు కన్నీరు తుడిచిన 'దైవం' డాక్టర్ అశ్విని* *కాటూరులో గొర్రెకు పునర్జన్మ.. సుశీలమ్మ ఇంట్లో వెలిగిన ఆనందం* *వెటర్నరీ డాక్టర్ బి స్ యన్ అశ్విని నైపుణ్యానికి చల్లమాంబాపురం రైతుల గ్రామస్తుల హర్షం వ్యక్తం చేశారు* *గొర్రె ఈనలేక అల్లాడుతుంటే చాకచక్యంగా సర్జరీ* *మూగజీవాల పాలిట సంజీవని డాక్టర్ బి స్ యన్ అశ్విని* క్రౌన్ హ్యూమన్ రైట్స్; బుచ్చినాయుడు మండల పరిధిలో నీ కాటూరు పంచాయతీ చల్లమాంబాపురం ప్రాంతానికి చెందిన మహిళా రైతు సుశీలమ్మకు చెందిన గొర్రె ఈరోజు ఈనడానికి (పిల్లలు కనడానికి) తీవ్రంగా ఇబ్బంది పడుతూ ప్రాణాపాయ స్థితికి చేరుకుంది. తన జీవనాధారమైన గొర్రె మృత్యువుతో పోరాడుతుండటం చూసి రైతు సుశీలమ్మ కన్నీరుమున్నీరైంది. ఈ అత్యవసర సమాచారం అందుకున్న వెంటనే వెటర్నరీ అసిస్టెంట్ సర్జన్ డాక్టర్ బి.ఎస్.ఎన్. అశ్విని తన బృందంతో కలిసి అక్కడికి చేరుకున్నారు. పరిస్థితి అత్యంత క్లిష్టంగా ఉండటంతో ఏమాత్రం ఆలస్యం చేయకుండా, డాక్టర్ అశ్విని క్షేత్రస్థాయిలోనే (ఓపెన్-ఎయిర్) క్షణాల వ్యవధిలో ఎంతో చాకచక్యంగా, నైపుణ్యంతో శస్త్రచికిత్స (సిజేరియన్ సర్జరీ) ప్రారంభించారు.డాక్టర్ అశ్విని చూపిన అసాధారణ సమయస్ఫూర్తి, వృత్తి నైపుణ్యం వల్ల ఈ అరుదైన ఆపరేషన్ పూర్తిగా విజయవంతమైంది. మృత్యువు అంచుల్లోకి వెళ్లిన తల్లి గొర్రెతో పాటు, దాని కడుపులో ఉన్న పిల్లలను కూడా ఆమె ప్రాణాలతో కాపాడి అద్భుతం చేశారు. ప్రస్తుతం తల్లి గొర్రె, పిల్లలు రెండూ పూర్తిగా సురక్షితంగా, ఆరోగ్యంగా ఉన్నాయని డాక్టర్ తెలిపారు. తమ కళ్ల ముందే గొర్రెకు, దాని పిల్లలకు పునర్జన్మ ప్రసాదించిన డాక్టర్ అశ్విని గారిని చూసి రైతు సుశీలమ్మ భావోద్వేగానికి లోనై, ఆమెకు కృతజ్ఞతలు తెలిపారు. ఈ ఆపరేషన్‌లో పశువైద్య సిబ్బందితో పాటు స్థానిక పెద్దలు ఓస్ టి. మురళి తదితరులు పాల్గొని వైద్య బృందానికి సహకరించారు. సకాలంలో స్పందించి, మానవత్వంతో మూగజీవాల ప్రాణాలు కాపాడిన డాక్టర్ కి చల్లమాంబాపురం కాటూరు గ్రామస్తులు, రైతులు హర్షం వ్యక్తం చేశారు