పరిశీలించిన (క్రౌన్ హ్యూమన్ రైట్స్) నవంబర్ 22
మార్కాపురం పురపాలక సంఘానికి నూతనంగా ఎన్నికైన చైర్పర్సన్, వార్డు కౌన్సిలర్ల (సభ్యుల) ప్రమాణ స్వీకారం మరియు వైస్ చైర్పర్సన్ ఎన్నికకు సంబంధించిన ఏర్పాట్లను జిల్లా కలెక్టర్ ఎం. విజయ సునీత ఆదివారం క్షేత్రస్థాయిలో పరిశీలించారు.
స్థానిక మార్కాపురం పురపాలక సంఘ కార్యాలయాన్ని సందర్శించిన కలెక్టర్, అక్కడ జరగనున్న ప్రమాణ స్వీకారం, ఎన్నికల నిర్వహణ ఏర్పాట్లను క్షుణ్ణంగా తనిఖీ చేశారు. ఈ సందర్భంగా ప్రజాప్రతినిధులు, అధికారులకు ఎలాంటి అవాంఛనీయ సంఘటనలు ఎదురుకాకుండా, తగిన మౌలిక వసతులు కల్పించాలని మార్కాపురం మున్సిపల్ కమిషనర్కు కలెక్టర్ పలు కీలక సూచనలు, సలహాలు అందించారు.
ప్రమాణ స్వీకారం, ఎన్నికల వివరాలు
అనంతరం కలెక్టర్ మాట్లాడుతూ మార్కాపురం నూతన పురపాలక మండలి ప్రమాణ స్వీకారం, వైస్ చైర్పర్సన్ ఎన్నికల ప్రక్రియ సోమవారం, 23.11.2026న ఉదయం 11:00 గంటలకు స్థానిక పురపాలక సంఘ కార్యాలయ ప్రాంగణంలో నిర్వహించబడుతుందని తెలిపారు. సమయపాలన పాటిస్తూ, నిబంధనల మేరకు ప్రమాణ స్వీకారం, ఎన్నిక ప్రక్రియలను పూర్తి చేయాలని అధికారులకు కలెక్టర్ స్పష్టమైన ఆదేశాలు జారీ చేశారు.
సమన్వయంతో వ్యవహరించి కార్యక్రమాన్ని విజయవంతం చేయాలని అధికారులను ఆదేశించారు.
పాల్గొన్నవారు
ఈ కార్యక్రమంలో మార్కాపురం మున్సిపల్ కమిషనర్ నారాయణ రావు, పురపాలక శాఖ ఉద్యోగులు పాల్గొన్నారు.







