చీరాల, 2026-08-16
కూటమి ప్రభుత్వం రెండేళ్ల పాలనలో చేపట్టిన అభివృద్ధి, సంక్షేమ కార్యక్రమాలను ప్రజలకు వివరించే లక్ష్యంతో నిర్వహిస్తున్న ఇంటింటి ప్రచార కార్యక్రమాన్ని విజయవంతం చేయాలని చీరాల ఎమ్మెల్యే మద్దులూరి మాలకొండయ్య పార్టీ శ్రేణులకు పిలుపునిచ్చారు. చీరాలలోని టీడీపీ కార్యాలయంలో ఆదివారం జరిగిన నియోజకవర్గ విస్తృత స్థాయి సమావేశంలో ఆయన ఈ మేరకు దిశానిర్దేశం చేశారు.
కూటమి ప్రభుత్వం రెండేళ్ల పాలనలో చేపట్టిన అభివృద్ధి, సంక్షేమ కార్యక్రమాలను ప్రజలకు వివరించే లక్ష్యంతో నిర్వహిస్తున్న రెండేళ్ల నమ్మకం అభివృద్ధి, సంక్షేమం ఇంటింటి ప్రచార కార్యక్రమాన్ని విజయవంతం చేయాలని చీరాల ఎమ్మెల్యే మద్దులూరి మాలకొండయ్య పార్టీ శ్రేణులకు పిలుపునిచ్చారు. చీరాలలోని తెలుగుదేశం పార్టీ కార్యాలయంలో ఆదివారం నియోజకవర్గ విస్తృత స్థాయి సమావేశం నిర్వహించారు. ఈ సందర్భంగా నియోజకవర్గంలోని వివిధ ప్రాంతాల్లో నెలకొన్న సమస్యలను ఎమ్మెల్యే నాయకులను అడిగి తెలుసుకున్నారు.
ప్రభుత్వ పథకాలపై అవగాహన కల్పించాలి
రాష్ట్ర ప్రజలకు ఇచ్చిన ప్రతి హామీని నిలబెట్టుకుంటూ కూటమి ప్రభుత్వం రెండేళ్లలో అనేక సంక్షేమ, అభివృద్ధి కార్యక్రమాలను అమలు చేసిందని ఎమ్మెల్యే మాలకొండయ్య అన్నారు. ప్రభుత్వం చేసిన మంచి పనులను ప్రతి ఇంటి గడపకు తీసుకెళ్లాల్సిన బాధ్యత పార్టీ నాయకులు, కార్యకర్తలపై ఉందని ఆయన చెప్పారు. ఈ కార్యక్రమాన్ని కేవలం పార్టీ కార్యక్రమంగా కాకుండా ప్రజా కార్యక్రమంగా భావించి ప్రతి కార్యకర్త ప్రజల్లోకి వెళ్లాలని సూచించారు. కూటమి పార్టీల నాయకులు పూర్తి సమన్వయంతో పనిచేసి ప్రతి కుటుంబాన్ని కలిసి ప్రభుత్వ సంక్షేమ పథకాల ద్వారా వారికి కలిగిన ప్రయోజనాలను వివరించాలని కోరారు.
ప్రతి వర్గానికీ సంక్షేమ ఫలాలు
రాష్ట్ర ప్రభుత్వం రెండేళ్లలో అమలు చేసిన తల్లికి వందనం, స్త్రీ శక్తి, అన్నదాత సుఖీభవ, దీపం2, ఉచిత గ్యాస్ సిలిండర్ల పంపిణీ, ఉచిత ఇసుక విధానం, సబ్సిడీ రుణాల పథకాలు, ఎన్టీఆర్ భరోసా పింఛన్లు, మత్స్యకార భరోసా తదితర సంక్షేమ కార్యక్రమాలను ప్రజలకు వివరించాలని ఎమ్మెల్యే సూచించారు. అలాగే సూపర్ సిక్స్ హామీల అమలు గురించి కూడా ప్రజలకు అవగాహన కల్పించాలని పార్టీ శ్రేణులకు దిశానిర్దేశం చేశారు.
ఇంటింటికీ ప్రభుత్వ పథకాలు
రైతులు, మహిళలు, యువత, విద్యార్థులు, వృద్ధులు, కార్మికులు, ఇతర అన్ని వర్గాల ప్రజలకు ప్రభుత్వం అందిస్తున్న సంక్షేమ ఫలాలను ఇంటింటికీ తీసుకెళ్లి వివరించాలని పిలుపునిచ్చారు. ప్రతి కుటుంబంతో పార్టీ శ్రేణులు మమేకమై ప్రభుత్వ కార్యక్రమాలపై ప్రజలకు అవగాహన కల్పించాలని అన్నారు.
సమావేశంలో పాల్గొన్నవారు
ఈ విస్తృత స్థాయి సమావేశంలో బాపట్ల జిల్లా టీడీపీ అధ్యక్షులు సలగల రాజశేఖర్ బాబు, చీరాల నియోజకవర్గ అబ్జర్వర్, చిలకలూరిపేట ఏఎంసీ చైర్మన్ షేక్ కరీముల్లా, చీరాల ఏఎంసీ చైర్మన్ కౌతరపు జనార్ధన్, చీరాల, వేటపాలెం మండలాల అధ్యక్షులు, చీరాల పట్టణ అధ్యక్షులు, సీనియర్ నాయకులు, గ్రామ పార్టీ అధ్యక్షులు, వివిధ హోదాల్లో ఉన్న నాయకులు, కార్యకర్తలు తదితరులు పాల్గొన్నారు.
