పోతుల బాలకోటయ్య జోగి రమేష్ పై ఘాటు విమర్శలు

బాలకోటయ్య, మంగళవారం విజయవాడ ఎంపీ కేశినేని శివనాథ్ కార్యాలయంలో విలేకరులతో మాట్లాడారు. ఆయన మాట్లాడుతూ, 'జోగి రమేష్ ఏ శాఖకు మంత్రిగా పని చేశారు? రాష్ట్ర ప్రజలు చెప్పలేరని, కానీ నోటి దూల మంత్రి ఎవరు? అని అంటే టక్కుని చెప్పగలరు' అని అన్నారు.

అన్ని అనర్థాలకు జోగి రమేష్ నోటి దూలే కారణమని ఆయన పేర్కొన్నారు. ముఖ్యమంత్రి చంద్రబాబు, డిప్యూటీ మంత్రి పవన్ కళ్యాణ్, మంత్రి లోకేష్ పై అడ్డూ అదుపూ లేని వ్యాఖ్యలు చేసిన జోగి రమేష్, విజయవాడ ఎంపీ కేశినేని శివనాథ్ పై అసత్య ఆరోపణలు చేయడం తప్పు అని బాలకోటయ్య అన్నారు.

బాలకోటయ్య, 'తప్పు చేసిన వ్యక్తులు, నేరం చేసిన నేరగాళ్ళు గుళ్ళకు వెళ్ళి ప్రమాణాలు చేస్తాం అంటే, చట్టాలు ఎందుకు? న్యాయస్థానాలు ఎందుకు?' అని ప్రశ్నించారు.

జోగి రమేష్ సొంత తప్పిదాలు, నిర్వాకం కారణంగానే జగన్ పరామర్శ యాత్రలో రెండు నిండు ప్రాణాలు బలి అయ్యాయని ఆయన ఆరోపించారు.