ఏలూరు, 2026-07-21
ఏలూరు జిల్లా ఎస్పీ ఆదేశాల మేరకు, కలిదిండి పోలీసులు రోడ్డు భద్రతను మెరుగుపరచడానికి వినూత్న ప్రయత్నం చేపట్టారు. ప్రమాదాలు ఎక్కువగా జరిగే ప్రాంతాల్లో హెచ్చరిక డ్రమ్ములను ఏర్పాటు చేయడం ద్వారా వాహనదారులను అప్రమత్తం చేస్తున్నారు.
రోడ్డు ప్రమాదాల నివారణకు కలిదిండి పోలీసులు వినూత్న చర్యలు చేపట్టారు. ఏలూరు జిల్లా ఎస్పీ శ్రీ కె. ప్రతాప్ శివ కిషోర్, IPS ఆదేశాల మేరకు, కైకలూరు సీఐ శ్రీ వి. రవికుమార్ పర్యవేక్షణలో, కలిదిండి ఎస్ఐ SSS . పవన్ కుమార్ ఆధ్వర్యంలో ఈ ప్రత్యేక కార్యక్రమాన్ని నిర్వహించారు.
కలిదిండి మండలం మద్వానిగూడెం నుండి కోరుకొల్లు వరకు ఉన్న రాష్ట్ర రహదారి (SH-19)పై తరచుగా ప్రమాదాలు జరిగే ప్రాంతాలు, ప్రమాదకర మలుపులు, అధిక వేగ ప్రాంతాలను గుర్తించారు. ఈ ప్రదేశాలలో 65 రెట్రో రిఫ్లెక్టివ్ హెచ్చరిక డ్రమ్ములను ఏర్పాటు చేశారు.
ఈ హెచ్చరిక డ్రమ్ములు పగలు, రాత్రి స్పష్టంగా కనిపించేలా రూపొందించబడ్డాయి. దీంతో వాహనదారులు ముందుగానే అప్రమత్తమై, వేగాన్ని తగ్గించుకుని, సురక్షితంగా ప్రయాణించే అవకాశం ఉంటుంది. ఈ చర్య రోడ్డు ప్రమాదాలను తగ్గించడంలో కీలక పాత్ర పోషించనుంది.
