మాజీ మంత్రివర్యులు ముద్రగడ పద్మనాభం గారి సంస్మరణ సభ రాజమండ్రిలోని మంజీరా సరోవర్ ప్రీమియర్లో సోమవారం మధ్యాహ్నం జరిగింది. ఈ సభలో ఏలూరు జిల్లా వైఎస్సార్సీపీ అధ్యక్షులు, కైకలూరు మాజీ ఎమ్మెల్యే దూలం నాగేశ్వరరావు (డీఎన్ఆర్) పాల్గొన్నారు. ముద్రగడ చిత్రపటానికి పూలమాలలు వేసి, ఘన నివాళులర్పించిన ఆయన, వారి ఆత్మకు శాంతి చేకూరాలని ప్రార్థించారు.
ముదినేపల్లి పోలీస్ స్టేషన్ పరిధిలో మరణించిన వ్యక్తి ఆస్తులను అక్రమంగా కాజేయాలని చూసిన ముగ్గురిపై పోలీసులు కేసు నమోదు చేశారు. ఈ కేసుకు సంబంధించి ఇద్దరు నిందితులను అరెస్ట్ చేసినట్లు తెలిపారు. ములకలపల్లి గ్రామానికి చెందిన త్రపునేని ఏనుబాబు ఆస్తులను కాజేయాలనే దుర్ద్దేశంతో నకిలీ పత్రాలను సృష్టించి రిజిస్ట్రేషన్ చేయించినట్లు దర్యాప్తులో వెల్లడైంది.
ఏలూరు జిల్లా కలిదిండి మండలం భాస్కరరావు పేటలోని స్థానిక మండల పరిషత్ ఉన్నత పాఠశాల (ZPHS)లో విద్యార్థుల విద్యాభివృద్ధిని కాంక్షిస్తూ 'హ్యాండ్ ఇన్ హ్యాండ్ ఫౌండేషన్' ఆధ్వర్యంలో ఒక సేవా కార్యక్రమం నిర్వహించారు. ఈ కార్యక్రమంలో భాగంగా 300 మంది విద్యార్థులకు నోట్ పుస్తకాలు, వాటర్ బాటిల్స్, పెన్నులను ఉచితంగా అందజేశారు.
కడప జిల్లా పెళ్లిమర్రి మండలంలోని పలు ప్రభుత్వ కార్యాలయాల్లో సమాచార హక్కు చట్టం (ఆర్టీఐ) బోర్డులు కనిపించకపోవడం అధికారుల దృష్టికి వచ్చింది. ఇటీవల నిర్వహించిన తనిఖీల్లో ఈ విషయం బయటపడటంతో, సంబంధిత కార్యాలయాలకు నోటీసులు జారీ చేశారు. ప్రజలకు సులభంగా అందుబాటులో ఉండాల్సిన ఆర్టీఐ బోర్డులను ఏర్పాటు చేయడంలో అలసత్వంపై విమర్శలు వెల్లువెత్తుతున్నాయి.
చీరాల మునిసిపాలిటీ పరిధిలో నెలకొన్న డ్రైనేజీ, రోడ్డు సమస్యల పరిష్కారం కోరుతూ దళిత బహుజన పార్టీ జిల్లా అధ్యక్షుడు షేక్ జిలాని, మున్సిపల్ కమిషనర్ డానియల్ జోసఫ్కు సోమవారం వినతిపత్రం సమర్పించారు. ప్రజలు తీవ్ర ఇబ్బందులు పడుతున్నారని ఆయన కమిషనర్కు వివరించారు.
యునైటెడ్ టీచర్స్ ఫెడరేషన్ (యుటీఎఫ్) గుంటూరు జిల్లా కమిటీ ఆధ్వర్యంలో ఇన్సర్వీస్ ఉపాధ్యాయుల కోసం నిర్వహించిన టెట్ (TET) తెలుగు శిక్షణా తరగతికి విశేష స్పందన లభించింది. ఏసీ కాలేజ్ అసెంబ్లీ హాల్లో జరిగిన ఈ కార్యక్రమంలో 500 మందికి పైగా ఉపాధ్యాయులు హాజరై శిక్షణ పొందారు.
మానవ హక్కుల పరిరక్షణ, సామాజిక సేవా రంగాల్లో సేవలందిస్తున్న హ్యూమన్ రైట్స్ కౌన్సిల్ ఫర్ ఇండియా (HRCI) తెలంగాణ రాష్ట్ర విభాగం భవిష్యత్ కార్యాచరణపై హైదరాబాద్లో కీలక సమీక్షా సమావేశం జరిగింది. HRCI వ్యవస్థాపకులు చెన్నుపాటి శ్రీకాంత్ ఆదేశాల మేరకు, రాష్ట్ర అధ్యక్షులు అమృతం వీర అధ్యక్షతన జరిగిన ఈ సమావేశంలో సంస్థ బలోపేతం, సభ్యత్వ విస్తరణ, ప్రజా సమస్యల పరిష్కారం వంటి అంశాలపై చర్చించారు.
పోలవరం ప్రాజెక్టు నిర్వాసితుల పునరావాసం, ఆర్&ఆర్ ప్యాకేజీ అమలులో ప్రభుత్వాలు విఫలమయ్యాయని సీపీఎం రాష్ట్ర కార్యదర్శి వర్గ సభ్యులు బి. బలరాం తీవ్రంగా విమర్శించారు. ఏలూరులో జరిగిన సీపీఎం జిల్లా కమిటీ సమావేశంలో ఆయన మాట్లాడుతూ, నిర్వాసితల పునరావాసం కేవలం 20 శాతమే పూర్తయిందని ఆరోపించారు.
మండవల్లి మండలం, పుట్ల చెరువు గ్రామంలో పోలీసు శాఖ ఆధ్వర్యంలో స్థానిక ప్రజలు, యువత కోసం అవగాహన సదస్సు జరిగింది. ఈ కార్యక్రమంలో మండవల్లి ఎస్ఐ ముఖ్య అతిథిగా పాల్గొని, సైబర్ క్రైమ్, రోడ్డు భద్రత, శక్తి యాప్ వినియోగం వంటి కీలక అంశాలపై ప్రజలకు దిశానిర్దేశం చేశారు.
ఏలూరు పార్లమెంటు సభ్యులు పుట్ట మహేష్ కుమార్ గారి నాయనమ్మ, మైదుకూరు శాసనసభ్యులు పుట్ట సుధాకర్ యాదవ్ గారి మాతృమూర్తి పుట్ట పోలమ్మ గారి మృతికి రాష్ట్ర నాయి బ్రాహ్మణ వెల్ఫేర్ డెవలప్మెంట్ కార్పొరేషన్ డైరెక్టర్ లంక రత్నారావు గారు సంతాపం తెలిపారు. కుటుంబ సభ్యులను ఆయన పరామర్శించారు.
ఆనందపురం - అనకాపల్లి నేషనల్ హైవేపై గండిగుండం సమీపంలో ఆదివారం తెల్లవారుజామున ఘోర రోడ్డు ప్రమాదం సంభవించింది. అతివేగంగా వెళ్తున్న కారు అదుపుతప్పి, ముందున్న లారీని బలంగా ఢీకొట్టడంతో కారులో ప్రయాణిస్తున్న నలుగురు అక్కడికక్కడే ప్రాణాలు కోల్పోయారు. మృతుల్లో కారు డ్రైవర్ కూడా ఉన్నారు.
ీాోహైబసడైసమమెఐదోజగాకొనసాగతోదసమసయపషకాకోసశనాఆడీోకాయాయోఅధకా,ఆటీసీయాజమానయ,కామకసఘాపతనధమధయజగనమయయాయయజమానూ100ేతనపెపనకఅగీకగా,కామకూ200పెానడమాడేసతననా
హైదరాబాద్: ఇటీవల ముంబయిలో కుడి భుజానికి శస్త్రచికిత్స చేయించుకుని డిశ్చార్జి అయి, హైదరాబాద్లోని నివాసంలో విశ్రాంతి తీసుకుంటున్న డిప్యూటీ సీఎం పవన్ కళ్యాణ్ను విద్య-ఐటీ శాఖల మంత్రి నారా లోకేష్ శనివారం పరామర్శించారు. పవన్ కళ్యాణ్ త్వరగా కోలుకోవాలని ఆకాంక్షించారు.
కలిదిండి మండలం వెంకటాపురం గ్రామంలో బుధవారం ఉదయం విషాదం చోటుచేసుకుంది. బావిని మూసివేసే పనులు చేస్తుండగా విద్యుత్ షాక్తో పంచకర్ల వెంకన్న (49) అనే వ్యక్తి మృతి చెందాడు. ఈ ఘటన స్థానికంగా కలకలం రేపింది.
లింగపాలెం మండలం, ధర్మాజీగూడెం లోని శ్రీవిద్య హైస్కూల్లో కొత్త చట్టాలు, సైబర్ నేరాలపై అవగాహన సదస్సును ధర్మాజీగూడెం పోలీస్ స్టేషన్ ఎస్ఐ కె. వెంకన్న ఈరోజు నిర్వహించారు. ఈ కార్యక్రమంలో ఫోక్సో చట్టం, సైబర్ నేరాలు, బాల్య వివాహాల చట్టాలపై విద్యార్థులకు అవగాహన కల్పించారు.
కలిదిండి మండలం తాడినాడ నుండి పోతుమారు వరకు ఉన్న ఆర్ఎంబీ రహదారి పాడై, పాఠశాల విద్యార్థులు తీవ్ర ఇబ్బందులు ఎదుర్కొంటున్న నేపథ్యంలో, ఆంధ్రప్రదేశ్ రాష్ట్ర చేపల సంఘం అధ్యక్షుడు నంబూరు వెంకటరామరాజు గారు, తాడినాడ బాబు గారు, సర్పంచ్ శ్రీను గారు మరమ్మతు పనులను పరిశీలించారు. కైకలూరు ఎమ్మెల్యే డాక్టర్ కామినేని శ్రీనివాస్ ఆదేశాల మేరకు ఈ పరిశీలన జరిగింది.
కైకలూరు నియోజకవర్గంలో డ్వాక్రా సంఘాల సభ్యులకు ఆర్థిక అక్షరాస్యతను పెంపొందించేందుకు 'మన డబ్బులు మన లెక్కలు' అనే అవగాహన కార్యక్రమాన్ని నిర్వహించారు. APM శ్రీరామ్ గారి ఆధ్వర్యంలో జరిగిన ఈ కార్యక్రమంలో పలువురు రాజకీయ, ప్రజా ప్రతినిధులు పాల్గొన్నారు.
వైయస్సార్ కాంగ్రెస్ పార్టీ అధ్యక్షులు వైయస్ జగన్మోహన్ రెడ్డి గారి ఆదేశాల మేరకు, ఏలూరు జిల్లా వైఎస్ఆర్సిపి అధ్యక్షులు, కైకలూరు మాజీ ఎమ్మెల్యే దూలం నాగేశ్వరరావు (DNR) ఆధ్వర్యంలో 'జగన్ 2.0 సూపర్ యాప్'ను ఏలూరు రోడ్డులోని పార్టీ కార్యాలయంలో ఆవిష్కరించారు. పార్టీ కార్యకర్తలు, నాయకుల మధ్య సమన్వయం పెంపొందించడమే ఈ యాప్ ముఖ్య ఉద్దేశ్యం.
'స్వచ్ఛ ఆంధ్రప్రదేశ్' లక్ష్య సాధనలో భాగంగా, కలిదిండి మార్కెట్ యార్డ్ ప్రాంగణంలో శనివారం ప్రత్యేక పరిశుభ్రత కార్యక్రమాన్ని నిర్వహించారు. ఈ కార్యక్రమంలో భాగంగా మార్కెట్ యార్డ్ ఆవరణలో పేరుకుపోయిన చెత్తాచెదారాన్ని సిబ్బంది పూర్తిగా తొలగించి, ప్రాంగణాన్ని సుందరంగా తీర్చిదిద్దారు.
ఏలూరు జిల్లా కైకలూరులో సులబ్ కాంప్లెక్స్ నిరుపయోగంగా మారడంతో ప్రయాణికులు, బాటసారులు తీవ్ర ఇబ్బందులు ఎదుర్కొంటున్నారు. అధికారులు, నాయకులు ప్రజా సమస్యలను పట్టించుకోవడం లేదని విమర్శలు వస్తున్నాయి. సమీప ప్రభుత్వ కార్యాలయాల వద్ద మలమూత్ర విసర్జనలు జరుగుతున్నా అధికారులు చర్యలు తీసుకోవడం లేదని స్థానికులు ఆరోపిస్తున్నారు.