బాపట్ల, 13 జూలై 2026
గుంటూరు జిల్లా యుటిఎఫ్ కమిటీ ఆధ్వర్యంలో టెట్ (TET) పరీక్ష పేపర్-1A, పేపర్-2A అభ్యర్థుల కోసం ప్రత్యేక ఇంగ్లీష్ శిక్షణా తరగతులు ఏసీ కళాశాల అసెంబ్లీ హాలులో ప్రారంభమయ్యాయి. ఈ కార్యక్రమాన్ని జన విజ్ఞాన వేదిక రాష్ట్ర అధ్యక్షులు కేఎస్ లక్ష్మణరావు ప్రారంభించారు. టెట్ పరీక్షలో విజయానికి ప్రణాళికాబద్ధమైన సిద్ధత, నాణ్యమైన శిక్షణ అవసరమని ఆయన అన్నారు.
గుంటూరు జిల్లా యుటిఎఫ్ కమిటీ ఆధ్వర్యంలో టెట్ (TET) పరీక్ష పేపర్-1A, పేపర్-2A అభ్యర్థుల కోసం ప్రత్యేక ఇంగ్లీష్ శిక్షణా తరగతులను ఏసీ కళాశాల అసెంబ్లీ హాలులో ఘనంగా ప్రారంభించారు.
ఈ శిక్షణా కార్యక్రమాన్ని జన విజ్ఞాన వేదిక రాష్ట్ర అధ్యక్షులు, శాసనమండలి మాజీ సభ్యులు కేఎస్ లక్ష్మణరావు ప్రారంభించారు. ఈ సందర్భంగా ఆయన మాట్లాడుతూ టెట్ పరీక్షలో విజయానికి ప్రణాళికాబద్ధమైన సిద్ధతతో పాటు నాణ్యమైన శిక్షణ ఎంతో అవసరమని పేర్కొన్నారు. యుటిఎఫ్ నిర్వహిస్తున్న ఇటువంటి శిక్షణా కార్యక్రమాలు ఉపాధ్యాయులకు ఎంతో ఉపయోగపడతాయని అన్నారు.
ప్రారంభ సభలో యుటిఎఫ్ రాష్ట్ర ప్రచురణల కమిటీ చైర్మన్ ఎం. హనుమంతరావు, జిల్లా అధ్యక్షుడు యు. రాజశేఖర్, జిల్లా ప్రధాన కార్యదర్శి ఎం. కళాధర్ తదితరులు పాల్గొన్నారు.
ఈ శిక్షణా తరగతులకు 500 మందికి పైగా ఇన్-సర్వీస్ ఉపాధ్యాయులు హాజరై ఆసక్తిగా పాల్గొన్నారు. ఇంగ్లీష్ అధ్యాపకులు బి. ప్రసాద్ టెట్ పరీక్షలో ఇంగ్లీష్ అంశంపై సులభమైన పద్ధతిలో బోధిస్తూ పరీక్షలో మెరుగైన ఫలితాలు సాధించేందుకు అవసరమైన సూచనలు, మెళకువలను వివరించారు.
ఈ శిక్షణా కార్యక్రమం ద్వారా టెట్ పరీక్ష రాయనున్న ఉపాధ్యాయులకు ఇంగ్లీష్ అంశంపై ఆత్మవిశ్వాసం పెంపొందించడంతో పాటు పరీక్షలో ఉత్తమ ఫలితాలు సాధించేందుకు దోహదపడుతుందని నిర్వాహకులు తెలిపారు.
