వరంగల్, జూలై 11
హ్యూమన్ రైట్స్ కౌన్సిల్ ఫర్ ఇండియా (HRCI) వరంగల్ జిల్లా ఉపాధ్యక్షులు శ్రీ గుడికందుల వీరేశం, తెలంగాణ రాష్ట్ర అధ్యక్షులు శ్రీ అమృతం వీరను మర్యాదపూర్వకంగా కలుసుకుని సన్మానించారు. సంస్థ బలోపేతం, భవిష్యత్ కార్యక్రమాలపై ఇరువురు నాయకులు చర్చించారు.
మానవ హక్కుల పరిరక్షణే తమ ధ్యేయమని, ప్రజా సేవే తమ సంకల్పమని తెలంగాణ రాష్ట్ర అధ్యక్షులు అమృతం వీర అన్నారు. హ్యూమన్ రైట్స్ కౌన్సిల్ ఫర్ ఇండియా (HRCI) వరంగల్ జిల్లా ఉపాధ్యక్షులు శ్రీ గుడికందుల వీరేశం శనివారం తెలంగాణ రాష్ట్ర అధ్యక్షులు శ్రీ అమృతం వీరను మర్యాదపూర్వకంగా కలుసుకున్నారు. ఈ సందర్భంగా రాష్ట్ర అధ్యక్షుడికి శాలువాతో ఘనంగా సన్మానం చేశారు.
అనంతరం వారు సంస్థ బలోపేతం, భవిష్యత్ కార్యక్రమాలపై సుదీర్ఘంగా చర్చించారు. ఈ ఏడాది ఆగస్టు 9వ తేదీన జాతీయ అధ్యక్షులు శ్రీ చెన్నుపాటి శ్రీకాంత్ ఆధ్వర్యంలో నిర్వహించనున్న హెచ్.ఆర్.సి.ఐ (HRCI) 4వ వార్షికోత్సవ మహాసభ ఏర్పాట్లు, ఈ సభను విజయవంతం చేయడానికి చేపట్టాల్సిన కార్యాచరణపై ఉభయ నాయకులు విస్తృతంగా సమీక్షించారు.
ఈ సందర్భంగా వరంగల్ జిల్లా ఉపాధ్యక్షులు శ్రీ గుడికందుల వీరేశం మాట్లాడుతూ.. వరంగల్ జిల్లాలోని హెచ్.ఆర్.సి.ఐ సభ్యులందరూ అత్యంత ఐక్యతతో పాల్గొని, ఈ జాతీయ మహాసభను ఘన విజయవంతం చేస్తామని రాష్ట్ర అధ్యక్షులు అమృతం వీర గారికి హామీ ఇచ్చారు.
